Anak ng basurero, ipinagmalaki ang kanyang amang napagtapos siya ng pag-aaral

 Responsibilidad ng mga magulang na alagaan at pag-aralin ang kanilang mga anak. Kaya naman nakakahanga ang mga magulang na nagsusumikap mapatapos lamang nila ang kanilang mga anak sa pag-aaral.

Screencap from Wish Ko Lang

Kahit na anong hirap at sakripisyo ay kaya nilang tiisin alang-alang sa mga pangangailangan ng kanilang mga anak.

Ito ang ipinamalas ng isang tatay na napagtapos ang kanyang anak dahil sa pagbabasura.

Sa Facebook post ni Junnel Gemida, ipinagmalaki niya ang kanyang ama na napagtapos siya sa pag-aaral kahit na ito ay isang basurero lamang.

“Flex ko lang tatay ko kahit basurero siya napagraduate niya ako,” post ni Junnel.

Junnel Gemida / Photo credit: Facebook

Tatay Juanito / Photo credit: Facebook

Humanga ang mga netizens sa mag-ama kaya agad na nag-viral ang post ni Junnel.

Umabot sa 69k reactions at 41k shares ang post ni Junnel.

Kinilala ang ama ni Junnel na si tatay Juanito, 51-anyos. 

Dati umanong family driver si tatay Juanito, ngunit dahil sa paglabo ng kanyang mga mata ay napilitan itong tumigil sa kanyang trabaho.

Aniya, may mga panahon dati na kailangan niyang itigil ang pagmamaneho dahil hindi na niya makita ang mga sasakyan na nasa harapan niya.